ТIема бIухошта гIо деш къахьийгача МагIалбика кхален 22 сага майдилгаш елар
22.04.2025 10:53
Сийлахь-боккхача Даьймехка тIема Котало яьккха 80 шу дуза ди хьатIадоагIаш, котало гаргайоалае бIухошта гIо деш хиннача 22 сага майдилгаш елар, МагIалбика кхален администраце. «1941-1945-ча шерашкарча Сийлахь-боккхача Даьймехка тIема Коталон 80 шу дизар» яха, РФ Президента Путин Владимира къоастам баь майдилгаш я мехкахошта еннараш. Из хоам «Сердалога» бир администраце болхлоша.
«ЛоархIамеча майдилго хьагойт, уж нах моастагIа вай лаьтташ тIара аравоаккхаш, цун наькъаш тедаш лаьттача лирача тIема юкъе лоархIаме дакъа дIалоацаш, коталон ди гаргадоаладеш къахьегаш хиннилга. ХIаьта вай декхар - цIаккха а из диццадар да!» - белгалдир администраце болхлоша.
