ГӀалгӀайчен УПЧ бекарга бетта 25-ча дийнахьа нах тӀаэцаш хургва
Бекарга бетта 25-ча дийнахьа, 10 сахьат даьлча денз 13 сахьат даллалца, ГӀалгӀайчен сага бокъонех волча викала фусаме нах тӀаэцаш хургба.
«ГӀалгӀай Республикан мах боацаш наха бокъонашца дувзаденна новкъостал дара Ди долаш» моттигерча бахархой таро я ГӀалгӀайчен, сага бокъонех волча викала ЦӀечой ИбрахӀимá, иштта республикан Адвокатий палатан президента Ховтанаькъан Заретайна тӀабаха, цар цхьана нах тӀаэцаргба.
Сага бокъонех волча викала фусама зарбан болх лелабераша яхачох, из нах тӀаэцара ди лаьрххӀа дӀахьош да наха мах боацаш юридически новкъостал де.
«Цига хьабаьхкача наьха таро хургья, шоай бокъонаш йовза.
Цу наьха заявленеш, лоткъамаш кийчдаь хила деза йоазонца, царга хьожаргба долаш долча законах доаггӀача тайпара», - аьлар ГӀалгӀайчен УПЧ.
Белгалду шоашца паспорташ хила дезилга.
