ДӀадахача кӀира 386 дехар кхаьчад ЦУРе
05.08.2024 12:08
ДӀадахача кӀира вай мехка доал деча оагӀонга 386 дехар денад. Хьалха хиннарел 195 кӀезигагӀа да уж. Вахарера кхоачамбоацараш кӀезигагӀа хилара тӀагӀолла дий из аьнна техкача, ЦУРе белгалду:
«Эггара дукхагӀа наха теркалдераш ЖКХ оагӀонца дувзаденнараш да (179), наькъаш (33), дешар (28), баха моттиг тоаяр (26), нувхашца, кхалажашца дувзаденнараш (23).
Тахан наьха вахаре нийслуш дола кхоачамбоацараш дукхагӀа цу оагӀонашца дувзаденна да, цунга хьежжа, цу мугӀарерча болхлоша терко е езаш да уж»,- дийцар «Сердалога» ЦУРа болхлоша.
ХӀара сага дехар дикка тохкаш, доашхаш болх дӀахьу ЦУРе. Иштта болх дӀахьош хилча, вахарера кхоачамбоацараш сихагӀа юстардоахалу.
