ГӀалгӀайчен боксах йолча тоабо 39 майдилг яьккхай
20.11.2024 15:17
Укх деношка 39 майдилг ера, ГӀалгӀайчен боксах йолча тоабо. Уж дика толамаш даьхар вай спортсменаша Ставрополе дӀахьош хиннача мехкашта юкъерча Йийллача яхьашка, яхаш, дийцар «Сердало» газетага ГӀалгӀай Республикан спорта Министерствос.
«Шоай спорта говзал цига гойта йиш йолаш хилар Къилбаседа Кавказа Малхбоален федеральни даькъ тӀара 160 спортсмен. Эггара къонагӀа йолча Россе моттигерча спортсменаша цига 20 лакхара совгӀат даьккхар, 11 - дото, 9 - боарза майдилг яьккхар», - аьлар спорта доал дераша.
Белгалду, котало яьккхарий тренераш ба ГетагӀазанаькъан Темарлан, Лоалахой Руслан, Ӏумаранаькъан Ӏалихан, Ӏалбаканаькъан Ахьмад, МутаӀаланаькъан Дауд, Янданаькъан Мухьмад, Леймой Мухьмад, Балайнаькъан Мурад, Дзовранаькъан Мухьмад.
