«Эггара наха юкъе яьржа цӀераш я Мухьаммад, Ахьмад, Юсуф, Адам, Халит, Ӏадрахьман, Абубакар, Ӏумар, Аиша, Хадиджа, Фатима, Марем, Аминат, Аьсет, София. Наггахьа мара нийслуш йоаца цӀераш я – Жой, Умед, Нухь, Халиф, Имиль, Лутфулла, Джафар, Зубайр, Салаудин, Мекка, Алиф, Афса, Салсабир, Езейна, Доули, Румайса, Аделина, Алана, Ната, Гошта, Суна», - аьнна белгалдир тхоца къамаьл даьчо. Керда малхадаьннача вай берий вахар иразе хилда. Хоза а могаш а болаш, хьалкхувлба уж, шоай да-нана деладолда цар, даь-наьна, даь-даь дог хьесташ, бахалба уж.