ГӀалгӀайчен ийс класс яьккхача 8 эзар сага ОГЭ дӀалургья
Паччахьалкхен керттерча экзаменга (ОГЭ) кийчо дӀайолаелар тахан, 9-ча классе багӀача дешархошта. Из дӀахьоргья Наьсарерча №4 йолча ишкола даькъ тӀа кӀимарса бетта шоллагӀча дийнахьа. Цу юкъа дерригача Ӏилмаех дола денош а хургда. Ингалсий метта экзамен луш хургва 16 дешархо.
«ОГЭ чудоагӀаш да эрсий меттах, математиках экзаменаш дӀаялар, иштта ше харжа а йиш я ши экзамен. ОВЗ выпускникаша, бераша-заӀапхоша, заӀапхоша керттера ши экзамен мара дӀаяла езац аттестат хьаэцара. ГӀалгӀайче, паччахьалкхен керттера экзамен дӀалуш хургва 8 эзар саг. Экзаменаш дӀаяхьара юкъе хургья 26 экзамен дӀалу моттиг», - аьлар «Сердало» газетага ГӀалгӀай Ӏилмани дешареи Министерствон зарбан болх лелабераша.
Экзаменаш дика дӀаял ловш бале, дешархой шоашта хьехархоша хьаденна декхараш дика Ӏомадаь хила беза. Иштта лоархӀаме да салаӀар, хӀама яар, шоай могашал лораяр, экзаменаш дӀалуча хана уйла дикагӀа дӀатӀагӀоргйолаш.
