Овшанаькъан Ӏаддал-Хьамид - Илдарха-ГӀалан сийдола вахархо
13.03.2025 16:29
Политически, юкъарлонна болхло, Овшанаькъан Ӏаддал-Хьамид волча вахача хана, Илдарха-ГӀалан мэра Дидиганаькъан Ахьмада лаьрххӀа йола «Илдарха-ГӀалан сийдола вахархо» аьнна цӀи елар цунна, яхаш, дувц «Сердало» газетага цигарча зарбан болх лелабераша.
«86 шу даьннача Ӏаддал-Хьамидаца къамаьл деш, из даькъалавийцар цу денца шахьара кулгалхочо. Цунна иразе вахар а могашал а хилар ловш дола дег чура дешаш аьлар. Иштта хаьттар Хьусена Ӏаддал-Хьамидага цун могашал миштай, вахаре фу эш?» - йоах хоамо.
Белгалду, цунна из цӀи ялара дош дийцар шахьара администраце комиссе кхетаче йолаш.
