Спорта министра керда гӀонча хилар Янданаькъан Абтех
19.02.2025 09:29
Спорта вахаре цӀихеза вола Янданаькъан Абти министра гӀонча волаш къахьегаш хургва хӀанзчул тӀехьагӀа. Ӏаьдалца, тӀема оагӀон моттигашца, тӀема спортаца дувзаденна дешаш хургда цун балха чудоагӀараш.
«Кхувш латтарашта юкъе ма хулла спорт йоаржаярца бувзабенна хургба цун къахьегам. Иштта эскаре баха беза, МВД балха отташ бола кагирхой кийчбеш къахьегаргда цо. Къонабарий спортацара бувзам чӀоагӀбар да цун керттера декхар», - дийцар тхога министерстве.
Хьакима Белхарой Руслана даькъалавийцар ший гӀонча, боаггӀача боараме декхараш кхоачашдеш, лакха толамаш доахаш дӀаваха!
