Мархенаькъан Адам – Германера гӀалгӀай футболист
04.09.2025 11:26
Мархенаькъан Адам хьалхара гӀалгӀай футболист ва, Германе ловзаш вола. Цо бартчӀоагӀама кулг яздир немций «Нюрнберг» клубаца, яхаш, дийцар «Сердало» газетага ГӀалгӀай Республикан футбола Федераце.
23 шу доалаш Адама дӀаболабир дика спортивни никъ. Из цо караийцар, ший да Мархенаькъан Ӏумар бахьан долаш, из ва «Ангушт» ФК тренер. Российски а фински а гражданство йолаш, цун таро хилар Латве, Финлянде, хӀанз Германе тоабашта юкъе ловза.
Белгалду, укх кӀира ший кердача тоабаца из яхьеваргва Польша, Литва футболисташца дунен Чемпионате гӀоргбараш хоржача.
