«Шолжера турпалаш» яха проект дӀайолаю цигарча администраце
11.02.2025 12:49
Берригача бахархошка дакъа лацар дех администраце «Шолжера турпалаш» яхача проекта юкъе. Из хоам «Сердалога» бир цу моттигера.
«ЦӀихезача нахах; СССР, РФ турпалех; Сийлахь-боккхача Даьймехка тӀема бӀухоех, тӀема операцешка дакъа лоацаш хиннача Шолжа-Шахьарерча бахархой вахарах дар гулдеш болх ба дӀахьош. МоллагӀа гӀо даьча сага доккха баркал кхайкаду оаха», - белгалдир администраце.
Из беррига болх эшаш ба вай къаман истори меттаоттаде, дийнде. Вайдар санна кӀоарга овлаш, дӀаьхий истори дола къам лаха хала да, бакъда дукха хӀама да юкъахдиса латтар. Дерригаш оарцагӀдаьнна, вай истори меттаоттадеш бола къахьегам дӀаболабе беза вай.
