Зуламхочо Шолжа-Шахьарерча вахархочунгара, из Ӏехаваь, 100 000 сом даьккхар
13.08.2024 10:29
Шолжа-Шахьарерча вахархочунгара, из Ӏехаваь, Ӏ00 000 сом дихьа саг лохаш ба Ӏаьдала болхлой. Из хоам «Сердалога» бир МВД болхлоша.
«Латкъа венача вахархочо дийцачох, интернетерча малав ца ховча сага балха оттавергва аьнна оапаш бийца, 100 000 эзар сом ахча даьккхад цунгара. Ахча дӀатӀатессачул тӀехьагӀа, зуламхо вайна дӀаваьннав», - йоах Ӏаьдала болхлоша.
Зуламхо лохаш болх дӀахьош ба МВД викалаш. ХӀара денна кхайкарал деш латт бахархошка, боккъал а ма Ӏехадайта шоаш интернетага гӀолла бувзаме бувлача малаш ба ца ховча нахага, яхаш!
