Республике ялат чуэцара йола кампани дика къахьегаш я, керда хьувкъам чуэцаш. 38 эзар гектар лаьттан тӀара ялат чуэца дезаш да, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.

«Карарча шера ялх тайпара хьувкъам чуэца лаьрхӀа да тхо: кӀа, Ӏана кӀалха був мукх, чхьовга, доакъара лаьрхӀа культураш, хьалха кхача мукх, кен.

Хьалххе а ховш болча хоамах 60,2 эзар тонн ялат чуийца даьннад», - аьлар республикан Кулгалхочо Келаматанаькъан Махьмуд-Ӏаьлас, цу балхах дувцаш.

Белгалду, еррига эшаш йола юртбоахама техника йолаш я, гӀирсий-технически кхоачам болаш ба. Иштта ший ханнахьа кхоачашдаьд кхашкара оахамаш дара балхаш. ЦӀера кхерамзлен Ӏалашо яра дола балхаш а хьалххе кхоачашдаь даьннад.

Мехка Кулгалхочо белагалдир, ахархой шоай болх лерттӀа дӀабахьа кийча хилар, лаьрхӀа хинна ялат чуэцара толамаш цар доахаргхилар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде