Корзагӏваьнна хьийзача мехкахочо 480 сахьата ӏаьдала болх бергба
09.09.2025 10:43
Мехкарча № 5 йолча юххьанцарча суде техкар 62 шу даьннача мехкахочун гӏулакх. Саг вувргва, яхаш, кхерам тувсаш; корзагӏваьнна хьувзарах бехктокхаме озаш ва из. Из хоам «Сердалога» бир ӏаьдала болхлоша.
«Суде белгалдечох, дӏадахача шера ахкан хана, Тӏой-Юртарча ше вахача бараке лоалахошца дов даьккха, царга во, ца доагӏа къамаьл деш, корзагӏаваьнна хьийзав из», - дийцар прокуратуран болхлоша. Ше соцаве гӏийртача лоалахочунна, аз вургва хьо, яхаш, чугӏийртав.
Ший бедоалла урс цун къамарга тӏа увттадеш, аз хьо а шо дерригаш а доадергда, яхаш, хьийзав зуламхо. Корзагӏваьнна хьийзар 480 сахьата ӏаьдала болх бе оттавир судо.
