ГӏалгӀайчен таьрахьашца дегӀаахара Академе лекцега ладувгӀа бех
ГӏалгӀай Республикан таьрахьашца дегӀаахара Академе хьех «Таймхакинг: мишта йоаккхаргья дукхагӀа 24 сахьатах йола ха» яхача, Магасе дӀахьоргйолча лекцега ладувгӀа, яхаш, дийцар «Сердало» газетага цу дешара моттига зарбан болх лелабераша.
«Массехк ди даьнначул тӀехьагӀа, «Ишкол 21» воккхагӀа волча комьюнити-менеджера Йовлой Аслана шийна ховчох дийцар хӀара деннара цхьоагӀо ярах, шийна бохам а ца боахаш, оамалашта Ӏоткъам а ца беш, мишта хила веза хӀара дийнахьа болх беш вола саг. Цун Ӏомадаь кердадараш накъадоалаш да болх дӀабахьара, иштта из дикагӀа тоабара», - аьлар хоамо.
Иштта, «СоциОриентир» яха кагирхой дегӀабара Ассоциаце президента Ӏомаву тӀехьахьажа, юхабоалабе ше баь тӀахьожам, балха тӀехьа йоагӀаш йола оамалаш Ӏомае, уж эшаш я ӀТ балха даькъ тӀа.
Тхоца къамаьл даьчо яхачох, из кхетаче дика йоагӀаш я хӀаьтта дӀаболалуш болча ӀТ-говзанчашта, «Таьрахьашца дегӀаахара Академе» доакъашхошта, бизнесменашта.
