КхоалагӀча аргӀанца деша оттараш тӀаэцаш, наӀараш хьайийллар таьрахьашцарча гӀулакхех йолча Академе
КхоалагӀча аргӀанца деша оттараш тӀаэцаш, болх дӀабихьар таьрахьашцарча гӀулакхех йолча Академе. Из хоам «Сердалога» бир цигарча зарбан болх лелабераша.
ИТ оагӀонца дувзаденнараш Ӏомаде лаьрхӀа волча 100 сага байзар шоай хьехархой, цхьана дешаш хургбараш. Цу лоархӀамеча кхетаче дакъа лоацаш хилар BӀgTech яхача цӀихезача российски компане болх беш вола Малсаганаькъан Аслан. ИТ оагӀонца, pet-проекташца дувзаденнараш довзийташ, къамаьл дир цо къонабарашца», - йоах тхога кхаьчача хоамо.
Деша оттарашта юкъера бувзам чӀоагӀбара тӀехьа сурташ даха, вӀаший къамаьл деш ха дӀахьо цхьа зӀамига цӀай вӀашагӀделладар « 21 Ишкола» болхлоша. Цига хьалхадаьккхар, дешар хьатӀабоагӀача бетта 23-ча дийнахьа доладенна, ахкан тӀехьарча бетта 19-ча денга кхаччалца хургдолга. «21 Ишкола» сайта тӀа дита йиш я дехар.
