«Таьрахьашца дегӀаахара Академе» ВӀМ-технологей курс дӀайолаю
Магасерча «Таьрахьашца дегӀаахара Академе», дӀайолаю «ВӀМ-технологей проектий гӀишлон керттердар» яха тамашийна программа. Из эггара чӀоагӀагӀа эшаш йолча профессех цаӀ я, цо таро лу, ший цӀагӀа ваггӀашехь а болх бе, цох федеральни боарамах доагӀаш дола алапи эца, яхаш, дийцар «Сердало» газетага ГӏалгӀайчен промышленноста, таьрахьашца дегӀаахара Министерстве.
«Курс дӀахьош ва, BӀM ENVELOP керттера кулгалхо, Россе ВӀМ-технологей боахама кхыча говзанчашца хьалхале дӀахьош вола Пхьошанаькъан Азраиль.
ВӀМ-технологе дӀадодаш дар кӀезиг ду, хьакхоллара ха сихъю, проектий дикал лакхъю. Карарча шера кӀимарса бетта цхьоалагӀча дийнахьа денз, Россе юкъейоалаяьй йоккхача гӀишлон доакъош хьалдара лаьрхӀа йола кеп (модель), цо тешал ду из професси эшаш хилара.
Курс йоагӀаш я лоархӀамеча гӀишлонна, ИТ-оагӀон дешар Ӏомадеш болча студенташта, иштта гӀишлон, ИТ-даькъ тӀарча паччахьалкхен структурай», - аьлар тхоца къамаьл даьчо.
Цига наьха таро я балха оттара хьакъехьа долча къамаьлага ладувгӀа. Дешар дӀахьоргда, ардара беттагара лайчилла беттага кхаччалца.
