Наьсарерча дешархошта фаьлг гойташ хилар ТЮЗа актёраш
27.01.2026 09:52
Наьсарерча № 3 йолча ишколе «Цӏе кийнг» яха спектакль гойташ хилар мехкарча ТЮЗа актёраш. Зӏамагӏа долча берашта бокъонца дола цӏай хилар цу гӏулакхах.
«Бераша дакъа лоацаш дӏайихьар спектакль. Говза борз ӏехаяь, ший нани йолча дӏакхача езаш хиннача Цӏеча Кийнга гӏо де ловш дар бераш, сов чӏоагӏа дог айденна.
Цу исторен юкъе дакъа лоацаш хилар хӏара бер: Цӏеча Кийнга гӏо деш бар цаӏаш, вожаш бирса Борз санна ӏимадаш е ӏомабелар. Бераш чӏоагӏа раьза дар, фаьлга юкъе дакъа лаца шоай аьттув болаш», - дийцар «Сердалога» ТЮЗо.
Театрах берашта цхьа тамашийна дола дуне хет, цунга хьежжа чӏоагӏа гӏадболх уж актёраша керда спектакль еча. Кастта Наьсарерча № 3 йолча берий беша хьокхаргья актёраша «Чуче» яха спектакль.
