«Юртара хьалхалаттараш» яхача ерригача Россе яхьашка дакъа лоацаш ва вай мехкахо
14.10.2024 13:05
«Юртара хьалхалаттараш» яхача ерригача Россе яхьашка дакъа лоацаш ва вай мехкахо Яражанаькъан Адам. Яхьан хьалхарча оагӀон тӀа дикка белгалваьнна Адам, шоллагӀча моттиге волаш, къахьегаш ва. Из хоам «Сердалога» бир гӀо деш леларий оагӀон болхлоша.
«Юртарча кагирхой Россе союзо, ерригача Россерча кагирхой, студентий юкъарча моттигий ассоциаце дӀахьош йолча яхье гучабоахаргба хӀара моттигера хьинаре, бехктокхаме бола хьалхалаттараш. Кхы а шин бӀалах чакхбала безаш ба доакъашхой, цул тӀехьагӀа, Подмосковьерча «Сенеж» яхача моттиге гуллургба уж, тӀахьожача кхело лаьрхӀачунга ладувгӀа», - йоах тхогарча хоамо. «Юрта лаьрхӀа болхлой» яхача программан моттигашкарча штабашта кулгалде оттабергба котбаьннараш.
