ГӀалгӀайчен хьинар дар котъяьлар «Шера студент. Лораш» яхача яхье
ГӀалгӀай Республикера хьинар дола ЦӀечой Дейси дикагӀъярех лоархӀаш я «Шера студент. Лораш» яхача Ерригроссийски яхье. Из дӀайихьар Чуваше столице Чебоксары оалача шахьар тӀа, яхаш, дийцар «Сердало» газетага ГӀалгӀай Республикан кагирхой туризма Министерствон зарбан болх лелабераша.
«ХӀара шера дӀахьош йолча яхье хьалхашка оттадаьча ворхӀ декхарах, 40 совгӀа тайп-тайпарча моттигашкара 100 саг яхьеваьлар. ХӀара лора гойтар, ше деша вагӀача хана Ӏомадаьр меттел, тахан лоӀамхой тоабанна чувоагӀаш, шийна карагӀдоалар. Вай ЦӀечой Дейси «Дарбан гӀулакх» яхача даькъах дика кхеташ хилар гуш дар», - аьлар газетага хоам баьчо.
Белгалду, из чуйоагӀаш я Российски кагирхой Союза гӀалгӀай даькъа.
ГӀалгӀай Республикан кагирхой политикан, туризма Министерствос Дейси даькъалаювц цу толамца, дӀахо а лорий балха тӀа иштта лакхаленашка кхоачаш хийла хьо!
