ГӀалгӀай паччахьалкхен 100 шу дизарга кийчо еш ба хьинар дараш
ХьатӀадоагӀача паччахьалкхен 100 шу дузача денга кийчо еш ба тахан «Къонача гварде» хьинар дараш. Цар дӀабахьа безача балхах дувцаш йола кхетаче хилар Наьсаре «МГЕР» яхача ерригача Россе юкъарча моттига вайцигарча оагӀон, цунна хьалха латт Чаненаькъан Исроапил. Из хоам «Сердалога» бир цу моттигерча болхлоша.
ХӀара кӀира дӀакхухьаш йолча кхетаче дакъа лоацаш яр кулгалхочун гӀонча йола Буружанаькъан Мадина, аппарата кулгалду Коазой Лолита, цун гӀонча Султиганаькъан Ахьмад. ХьатӀадоагӀача доккхача цӀайна хетаяь дукха тайп-тайпара кхетаченаш, викторинаш, боламаш дӀадахьа лаьрхӀа ба «Къонача гварде» доакъашхой», - дийцар тхога зарбан балха кулгал деча ЦӀолой Ислама.
Чаненаькъан Исроапила теркалдечох, керда гӀо деш лела ловраш юкъеозаш, болх дӀабахьа лаьрхӀа ба уж.
