Москверча Роскагирхой кхетаче, дакъа лоацаш ба вай мехкара хьинардараш
Москве дӏахьош йолча «Роскагирхой.Профи», «Роскагирхой.Кадай хьовза» яхача кхетаченашка дакъа лоацаш ба вай мехкахой Гӏалменаькъан Саӏид, Баденаькъан Адам. Из хоам «Сердалога» бир Магасерча кагирхой цхьанкхетарий Цӏен болхлоша.
«Росси» яхача Къаман центра доазон тӏа лайчилла бетта 22 дийнахьа дӏахьоргйола кхетаче, боккха лоархӏам болаш я кагирхой оагӏонца. Республике йоаржаеш йолча проектех, из болх шоаш мишта хьаллоацаш ба дувцарга моттигерча координатора Гӏалменаькъан Саӏида. Бизнесаца дувзаденнараш доашхаш, къамаьл дир Баденаькъан Адама», - дийцар тха газетага.
Программанна юкъе яр мехкарча гӏоръяьнна йовзача хӏамай «Кагирхой маркет», берригача мехкара говзанчаш чулоацаш дола Менторски хьаьша цӏа, иштта «Россера къона бизнесмен» яхача оагӏонца котбаьннараш премеца белгалбар.
