ВДНХ халкъашта юкъерча гойтаме-кхетаче дакъа лоацаш ба вай мехкахой
Массе оагӀонца дола кердадараш хьаллаца ловш ба вай къаман кагирхой. Боккха пайда эц цар, тайп-тайпарча кхетаченашка дакъа лоацаш. Царех цхьа моттиг я, ВДНХ халкъашта юкъера гойтам-кхетаче. Массанена бовзаш болча Москверча гойтаме баха хилар «Къона гварди» яхача вайцигарча оагӀон доакъашхой. «Сердало» газетага из хоам бир цу оагӀон болхлоша.
«ГӀалгӀай республикан доккхача тоаламех дувц ВДНХ экскурсе хиннача къонача гвардейцаша. Къаман беркате оагӀонаш хьагойташ я РФ эггара къонагӀа йолча моттига хетаяь фусам. Ӏилман- технически оагӀонца дувзаденнараш а довза йиш яр гойтаме», - дийцар тха газетага.
«Моттигера Ӏилман балхий хьал; дешара, культуран, экономикан гӀулакхашца дувзаденнараш довза аьттув бар хьаьший. Геттара чӀоагӀа дезаденнача гӀулакхех яр ЖӀайрахье гӀолла го боаккхаш йола гойтама экскурси», - дийцар хьинар дарий мугӀарерча Гарданаькъан Ювсапа.
