ГӀалгӀайчен викалаша кодам бийцар, Селашкахьа хатара юкъе байнарех
ГӀалгӀайчен юкъарча болама хьалхалаттараша кодам бийцар Селий мехка а Севастополе а террористически хатара юкъе нийсбеннарех, аьлар, «Сердало» газетага «Къонача гварде» зарбан балха кулгалхочо ЦӀолой Ислама.
«Севастополера, Дербентера хьал дувцаш, «Къонача гварде» (МГЕР) гӀалгӀай даькъа кулгалхочо Чаненаькъан Исроапила белгалдир, зуламхоша даьр адамаша де йиш йоаца хӀама долга, цу тайпара хьал машаре бахача наха духьалдаккха йиш йоацилга.
МГЕРа цӀерах цо кодам бувц бейнарий гаргарча нахага, лозабаьрашта моаршал хилар дех, уж сихагӀа тоабалар дезаш», - йоах хоамо.
Иштта, Россе шин моттиге хиннар хала хеташ, из дегашта Ӏеткъа ба ГӀалгӀайчен «Хьалхарчар Болама» керттерча даькъа кулгалхой. Терроризм е къам а дин а долаш яц. Укх балан дийнахьа тхога, дерригача къаман нахага, йоккха сагото кхаьчай шуга мо, йоах цар.
