«Ангушт» кийчлуш я, шоллагӀча лиган аргӀанарча ловзарашка
15.01.2025 12:51

«Ангушт» яха футбольни тоаба кийчлуш я шоллагӀча лиган «Б» яхача даькъе ловзараш дӀадахьа, яхаш, дийцар «Сердало» газетага ГӀалгӀай Республикан футбола федераце.
«Шоай ди футболисташа дӀадоладу Магас-Шахьара лицея стадиона тӀа ловзаш, кийчо еш. Сайрийна спортсменаш дегӀ чӀоагӀдеча зале хул. Саькура бутт юкъекхоачаш, «Ангушт» Кисловодске яха езаш я, кийчон болх дӀахо дӀабахьа. Наджгоанцхой бетта Нальчике ши ловзар хургда цун», - йоах хоамо.