«Ангушт» ловзаргья «ГӀишлонхо» яхача футбола тоабанна духьала
05.07.2024 16:06
ГӀалгӀайчен керттера футбола тоаба ловзаргья «ГӀишлонхо» яхача Каменск-Шахтински оалача шахьарерча футболисташца. Из ловзар вай мехкахой цӀагӀа дӀахьоргда.
Ловзар дӀахьоргда, LEON-ШоллагӀа лига «Б дивизиона» 17 бӀала чудоагӀаш, аьлар «Сердало» газетага ГӀалгӀай Республикан спорта Министерстве.
«ХьатӀадоагӀача салоӀача деношка, футбол езараш хьажа йиш йолаш ба шоай болх дика бовзача командашта юкъерча къовсамга. Овшанаькъан Рашида цӀерагӀча майдан тӀа, шоай хьамсарча тоабанга хьажа таро я цига дакъа лаца безам барий», - аьлар кепайоазонга хоам баьчо.
