300 эзар сом ахча даьккхар мехкахочунгара интернетерча малашб ца ховча зуламхоша
Мехкарча яхархочунгара, оапаш бийца, 300 эзар сом ахча дихьа зуламхой лохаш да МагӀалбикера Ӏаьдал. Из хоам «Сердалога» бир МВД болхлоша.
«Россе ОМВД Наьсарерча оагӀон болхлой болча латкъа енача кхалсага дийцачох, интернетерча оагӀонга гӀолла ахча даккха аьттув ба аьнна оттабаьча хоамаца из Ӏехаяь, цун цӀерах 114 эзар сом кредит даьккхад зуламхоша. Леладечох из тувлъяь, 289 825 эзар сом ахча дихьад цунгара», - йоах Ӏаьдалгара тхога бенача хоама тӀа.
Полице болхлой зуламхой лохаш къахьегаш ба. Бахархошка массаза санна кхайкарал ду Ӏаьдало, боккъал а ма Ӏехадайта шоаш зуламхошка, ма лелае ца бовзача, инернете гучабувлача нахаца цхьаккха базар. Дошо гувнаш хургда шоашка оале а, шоай банковски карта номераш дӀа ма ала, цу оагӀонцара цхьаккха гӀулакх хьатӀа ма эца.
Фийла хила, оашош леладеча хӀаман уйла е! Нагахьа зуламхоша шоашта тийшаболх баьбале, Ӏалаьмате сиха гӀо полици йолча, оаш сихагӀа хоам мел бу, шо Ӏехадаьраш хьалахара гӀулакх а толам болашагӀа хургда.
