«ГӀалгӀайчен УФАСа хьадийллар «Къилбаседа Кавказа россеташта» - «Ингушэнергона» духьалара гӀулакх, республикан столице вӀаштӀара даьча цӀеношка бахача наха сердала хьалаш доаггӀача беса цалоаттадарах», - аьлар хоамо.

Белгалдир, ГӀалгӀайчен столицан вӀаштӀара даьча цӀеношка бахача наха каст-каста, дукха сахьаташ доахаш, лампаш дӀайоаеш моттиг нийслуш хилар. Цунца цхьана ала дезаш да, компане лоаттаеш йола электроэнерги шера 72 сахьата мара дӀайоаяь хила бокъо яц, цкъара йоаеш 24 сахьата мара, из а доккхий тоадара балхаш дӀахьоча хана мара.

Бакъда, «Къилбаседа Кавказа россеташ» - «Ингушэнерго» боарамал тӀехъяьннай, дукхача наха электричество хьаяларга сатийса хилар доа а деш.

Уж кхоачамбоацараш гучадаларах лаьца, Юкъарлоно аьлар, мехка столицан Администраце доалахьа электрически сетеш латташ хиларах.

Шоаш договора кулг яздаь ма хиллара, токацара таронаш лоаттаераша тешшаме, дикал лакха йола электричество лоаттае еза.

Прокурорски тохкама балхаш дӀахьош, гучадаьлар из дӀайоаяра цхьаккха а бахьан ца хиннилга.

Цу тайпара, ГӀалгӀайчен УФАСа чӀоагӀдир «Къилбаседа Кавказа россетий» - «Ингушэнергон» ПАО оагӀорахьара кхоачамбоацараш нийсдалийта хилар. Из бахьан долаш, гӀулакхерча, юридически моттига доагӀаш ма хиллара гӀод такха деза 325 эзар сом.

ГӀалгӀайчен антимонопольни гӀулакх леладераша ГӀалгӀай Республикан бахархошта цӀаькха а хьалхадаьккхар, таронашца Ӏалашо лоаттаю моттигаш, наха дика хьалаш лоаттаде декхарийла йолга.