Бекарга бетта эттача 20 градус йӀовхало тӀабувха гӀирс хувцийтар бахархошка
01.04.2024 11:34
Бекарга бетта Дала вайна яйтача 20 градусага кхоачача йӀовхало гаьнна дӀаяхкийтар бахархошка, шийлача хана ювхаю хӀамаш. Из дувц тха газетага республикерча шахьара урамашка гӀолла го баьккхача корреспондента.
«Адамий дегаш сомадоахаш долча бӀаьстан къаьгача деноша хьагойт; курткаш, полтош, кхыдола дӀайха барзкъаш гаьнна дӀадахка ха этталга. ДегӀа атта, яй йолча хӀамай ха я Дала вайна хьаоттаяьр», - дийцар Наьсарерча вахархочо. Бакъда бийсаш, сайренаш шелал хоайолийташ йолга дицде йиш яц, цу хана болх бечар.
