Султиганаькъан Ӏарби керте эттар ГӏалгӀайчен культуран Министерствон Кагирхой кхела
ГӏалгӀайчен паччахьалкхен ашарий-драматически эрсий театра пресс-секретарь вола Султиганаькъан Ӏарби хьожавир, мехка культуран Министерствонна чуйоагӀача Кагирхой кхела кулгалде. Цу къонача зӀамсага балха говзал цецвоаккхаш я, ший тайпара оагӀонаш балха тӀехьа лаха ховш хиларца. Театре болх барал совгӀа, цо дика дакъа лоац юкъарча вахаре а, Илдарха-Гӏалан кхела депутат волаш. Кхоллама балха даькъ тӀа, Ӏарбе ше хьагойтар лакха говзал йола болхло санна, цо иштта болх бу, Хамхой А. цӀерагӀча Паччахьалкхен филармоне администратор волаш.
«Тха кагирхой керттера декхараш да культуран, искусствон даькъ тӀара таханарча кагирхой политика дегӀайоалаяр. Иштта йоккха терко тӏайохийтаргья кердадараш юкъедоаладара, кхувш йоагӀача тӀехьенна кхетам балара даькъ тӀа.
Керттердараш да цу балха кагирхошца бувзам лелабара юкъедоахаш дараш, кхоллама болх дӀабахьара йола майдаш хьакхоллар, начӀал дола кагирхой хьаллацар, уж юкъебоалабар лоархӀаме культуран проекташ кхоачашъеча», - аьлар «Сердало» газетага Султиганаькъан Ӏарбе.
Цу тайпарча балхаца хилар керттера декхар да Кагирхой кхела. Иштта юкъебаха лерхӀ дика дакъа лоацаргдола кагирхой культуран оагӀонца дувзаденнараш кхоачашдеча, цо таро лургья пайда луш йола майда дӀахо хьакхолла, ГӏалгӀайчен къонача ноахала кхоллама таронаш искусствон, культуран даькъ тӀа лелае.
