Магӏалбикерча исбахьален ишколе хилар,«Дуне суртанчий бӏаргашца» яха кхетаче
Магӏалбикерча берий исбахьален ишколе дӏайихьар «Дуне суртанчий бӏаргашца» яха, къона суртанчаш, цар хьехархой гулбеш йола кхетаче. Бокъонца дола кхоллама оагӏонцара цӏай хилар цох берашта. Лакха говзал йолча хьехархоша Аьгӏенаькъан Ислама, Ховтанаькъан Паьтӏамата кулгал деш, шоай начӏал гойтар дог ураэтта долча бераша.
«Кхетачен хӏара доакъашхочун бӏаргашта дукха хӏама хьаделлаш, довзийташ, кхоллама вахарцара еррига уйлаш сомайоахаш, кхетаче хилар цох. Хӏара бер шийна ховр дӏагойта гӏерташ дар, беррига низ ураоттабаь», - дийцар «Сердалога» цу гӏулакха хьалхаэттараша.
Мольберташта гонахьа кхийстача берашка хьожаш, боккха салоӏам хулар дега. Хӏаравар ший начӏал гойта гӏерташ къахьегаш вола моттиг, массахана дега тоам беш хул, иштта сурт дар цига эттар а.
Къонача суртанчаша дечунга хьожаш, хьалхадаккха дезар хьалхадоаккхаш, уллув латтар цар хьехархой.
