Паччахьалкхен филармоне артисткаш «Доазув доаца ноанала цӏа» яхача боламе дакъа лоацаш хилар
«Доазув доаца ноанала цӏа» яхача хьаьша тӀаэцара Халкъашта юкъерча болама чудоагӀаш, Хамхой А. цӀерагӀча ГӏалгӀайчен Паччахьалкхен филармоне «Дека илли» яхача кхалнаьха вокальни тоабан концерт хилар. Из дӀадихьар боккъонца йола хьаьша тӀаэцара оагӀув гойташ, цу кхетачен программа цхьа дакъа долаш. Уж гулбелар цу гӏулакха «Cafe del Magas» - цу чу къаьгга гойт таханарча заман даара культура, къаман Ӏадаташ лархӀар. Цу фусама чура че кийчъяьй безам тӀагӀоргболаш, сайре хоза дӀаяхьара хьаеш.
«Дека илли» яха дакъа керттерчарех цаӏ хилар цу кхетачен программанна юкъе, цо гойтар гӀалгӀай илли алара культуран боарам лакха хилар, илли дӀаалара говзал. Артисташа бовзийтар дукхача наха езаш йолча ашарий кхоллам. Цу тайпара кхетаче дӀахьу 10 шу да; из лоархӀаме да туризма, хьаьша тӀаэцара даькъ тӀа.
Карарча шера, Россе къамий цхьоагӀон ди долаш, из болх вӀашагӀбеллараша лаьрхӀар – «Хьаша тӀаэцара, туризма хьал дегӀадоаладара «Къаман са» яхача Федераце (Москва-Шахьар), иштта «Creo» ООО (Махачкала) – Къилбаседа Кавказа федеральни куран даькъ тӀара хоза гӀулакхаш дегӀадоаладе. Наджгоанцхой бетта 25-ча денгара саькура бетта 7-ча денга кхаччалца, дӀахьош йола кхетаче чулоацаш я СКФО еррига
моттигаш, цу юкъе даарий таронаш, мехка культуран тӀехьале гойта туризм»,- аьлар «Сердало» газетага ГӏалгӀайчен филармоне.
«Дека илли» яха вокальни тоаба дика йовзаш я, ший лакхача илли алара говзалца. Артисткаш белгалбоалаш ба, цӀенеи хозеи оазаш йолаш хиларца; кӀоаргга дег тӀара йоагӀа оазаш таханарча заман ашарашца хотташ хиларца.
Укх наькъа мехкарий таро хилар «Доазув доаца ноанала цӏа» яхача цхьанкхетара дагалаьттар белгалде – хьаьша тӀаэцара чудоагӀаш хинна Ӏац камаьрша хилар, цунна чудоагӀа, культурашта юкъе шоайла дегӏаахар дийлла хилар.
