«Хьалхарча миноташка № 611, 612 йолча хоржамий даькъош тӀара хоржамхой хьаболабелар шоай декхар кхоачашде, шоашта бакъахьа хетача кандидата оагӀув хьаллаца. Чувоаллача царна дикахетар деш бар филармонера хьаьший. Цига дакъа лоацаш бар эггара дикагӀа бола артисташ. Хьабаьхкарий таро хилар цӀихезача артистий Беканаькъан Хадижай, Акхасаганаькъан Мовсара, кхыча артистий иллешка ладувгӀа. Хоржамашка хиннар бокъонца дола цӀай дар», — аьлар «Сердало» газетага ГӀалгӀайчен филармоне концерта программа вӀашагӀъеллараша.