Гӏалгӏайчен артисташ белгала бар, «Малхбоален базар» яхача Халкъашта юкъерча фестивале
Казане дӏайихьар Халкъашта юкъера «Малхбоален базар» яха къаман культурай фестиваль. Цига гулбелар 50 совгӏа къаман культурай викалаш. Къаьстта белгалбоалаш бар Гӏалгӏайчен артисташ.
Сцена тӏа баьлар вай Паччахаьлкхен филармоне халхара, иллей ансамблацара викалаш, КБР, КЧР цӏихеза артисташ: ӏаьленаькъан ӏайна, Мусенаькъан ӏайна - цига дӏааьлар «Гӏалгӏайче даим Россеца» яха илли, иштта «Гӏалгӏай къонах» яха композици», - аьлар «Сердало» газетага Гӏалгӏайчен культуран Министерстве.
Цига дакъа лоацаш хиннараша цӏаькха чӏоагӏдир; массадола Кавказа къамаш шоайла барт болаш, лерхӏам, цхьоагӏо йолаш дахаш хилар. Халхарга, иллега гӏолла артисташа гойтар къамий лоархӏам бола кхайкарал шоаш деш хилар.
«Малхбоален базар» яха фестиваль хилар аргӏанара тешал да, юкъара культурах дола къамаьл дӏадахьара дика майда хилар, цига хӏара къамаьл цхьоагӏонга гӏа боаккхаш хилар гойташ хул, хӏаьта хӏара мукъам тайп-тайпарча къамий дегаш дувзадеш дола таьш да.
