Селий мехка дӀахьоча къамашта юкъе барт бара кхетаче хилар вай мехка викал
ГӏалгӀайчен арахьарча бувзама, къаман политикан, зарбан, хоамий министра гӀонча Ӏалбакханаькъан Артур дакъа лоацаш вар, Халкъашта юкъерча кхетаче, из хетаяь яр дин харцонаш лелаяра хьал, динца доаца кхыдола гӀулакхаш юкъедоахаш, исторически дагалоаттам кегабе гӀертача нахаца профилактикан болх дӀабахьара, яхаш, дийцар «Сердало» газетага мехка Миннаце.
Кхетаче вӀашагӀъеллар Селий Республикан дин гӀулакхех, къаман политиках йола Министерство яр. Из хетаяь яр балан, саготон денна, иштта 2024 шера аьтинга бетта 23-ча дийнахьа террористически акт яь шу доалаш хилара.
Цига керттера дийцар дин, къамий гӀулакхаш чӀоагӀдар, шоайла барт болаш уж дӀадахьар, иштта дин харцонаш, ца доагӀа гӀулакхаш юкъедоахаш хиларца къовсам лоаттабар.
Программа чудоагӀаш дар йоккхача кхетаченаш, кагирхошца гулламаш дӀадахьар, вузашка царца вӀашагӀкхетараш дар, цига доакъашхоша шоайла бувзам лелабе безарах, юкъарлон хьал лораде дезарах.
