«Дезал исторен юкъе» яха интернет-болам ба, мехкарча архива болхлоша дӀахьош
Паччахьалкхен архива болхлоша кхайкабаьб «Дезал исторен юкъе» яха интернет-болам. Дезала шера хетадаь да из гӀулакх.
Дакъа лаца йиш йолаш ва мехкара моллагӀа саг. Цу гӀулакха, цӀагӀарча альбома юкъера къаьнара массехк саг латта сурт хьахержа, gasrӀ.06@yandex.ru яхача электронни адресах дӀадахьийта деза.
«Дезал лорабара тӀехьа йола паччахьалкхен политика йоаржае, дезалашта юкъера беркате, тхьовра денз хьадахьа Ӏадаташ дийнде дӀахьош да Дезала шу.
Къаман исторе, культуран оагӀонца лерхӀаме дола дезала сурташ довзийташ ба из болам», - дийцар «Сердало» газетага.
Масал гойта аьнна, шоай оагӀон тӀа архива болхлоша хьокха оттадаьд, Пригородни кхален Редантерча, Брестски крепосте моастагӀа вохавеш лаьттача Дзараханаькъан Бийбота Мухьмад-Гире, Дзараханаькъан Бекмарзий Закречун сурташ.
