Шоай 31 шу дизар дездеш ба, мехкарча архива болхлой
31 шу хьалха вIашагIбеллар вай мехка, паччахьалкхен архивацара болх. Къахьега болабеннача хьалхарча дийнахьа денз, шоай декхараш бехктокхаме кхоачашдеш, тIехьа тIакхувргбарашта вай къаман истореца, культуранца дувзаденнараш тохкаш, лорадеш хьабоагIа цу оагIон болхлой.
«ЛоархIаме каьхаташ леладеш хиларал совгIа, Iилма-тохкама, культуран оагIонцара боккха болх дIахьош моттиг я къаман архив. МоллагIа хьайна эшаш дола хIама ха, къаман Iадаташца, селханарча истореца дувзаденнараш тахка аьттув ба хьа цунга гIолла.
ДIаяхача ханаца дувзаденнараш гучадоахаш, тIехьа тIабоагIарашта хургдолаш, лорадеш йола лоархIаме моттиг я из», - белгалдир паччахьалкхен архивацарча балха кулгал деча Кхоартой Мухьмада. Цу оагIонца тахан къахьегаш латтараш, цу балха тIа болаш къабеннараш аьттонца, иразе баха даькъала бийцар цо. Архиве къахьегача наха дер, хами махи баь варгвоацаш, доккха, лоархIаме да вай дерригача къаманна.
Духхьал цу наха шоай болх бехктокхаме дIабахьарах, къаман дIаьхийча истореца дувзаденнараш довза аьттув ба вай тахан. Шоаш мел гулдер, кхоана ураоттаргйолча вай тIехьенна дуташ да цар. Вайх хIаране баркал ала дезаш, царцара лерхIам лакха хила безаш, нах ба уж!
