Мехкарча архивни гӀулакха болхлоша арадаьккхад, исторе чулоацам бола ханорг
25.07.2025 12:50
Мехкарча Паччахьалкхен архивни оагӀоно 2025-ча шерара «Вай мехкахой Сийлахь-боккхача Даьймехка тӀем тӀа» яха ханорг арахийцад. ТӀема шерашка моастагӀа вохавеш лаьттача вай къаман бӀухой вахарах яздаьд цу тӀа. Ханорга юкъедахад истореца дувзаденнараш, сурташ, турпалаш хиннача вай бӀухой тӀема никъ.
«Къонача тӀехьенна деналах, майралах бизза хинна къаман къонгаш бовзийташ, масал эца мегаргдолча деноех дувцаш да тха ханорг», - аьлар «Сердалога» архива болхлоша.
Боккхача тӀема юкъера къаман толам сийдолча бӀухошка гӀолла кхоачаш ба. Селханара денош диццадалийтара тӀехьа лоархӀаме моттиг дӀалоац цу балхо, иштта кхувш латтача тӀехьенна йовзаргья моастагӀчун наькъаш тедаш, лакха денал гойташ, тӀема аренашка цӀихеза хиннарий цӀераш.
