Керда Iобиллача наькъо таро хулийт кхерамзлен Iалашо е, бахархошта вахара дика хьалаш хьакхолла, шахьар а бизнес а дегӀайоалае.

Наькъаш тоадара программа вӀашагӀйоллаш, керттера теркам тӀабохийт, хӀара урам лоархӀаме хилара.

Масала, Фабрични урам тIара никъ тӀабодаш ба «Фабрика» оалача йоккхача базара, иштта массехк мах беш йолча моттигашта, хӀаьта Базорканаькъан урам тIа я Къилбаседа Кавказа дукхача лостамех йола колледж, моттигера администраци, кхыдола шахьара лоархӀаме доакъош.

Вайна гуш да, «Кхерамзлен наькъаш» яха къаман программа кхоачашъяро, ГӀалгӀайче дегӀайоагIача доккха дакъа дӀалоацаш хилар. Наьсаре карарча шера тоабе лаьрхӀача ийс урамах, ялх тоабаь баьннаб.

Юхедисараш цхьан бетта йистедаргда тоадаь», - аьлар доал деча даькъ тӀарча зарбан болх лелабераша.

Цу проекто шахьара наькъаш дуккха а дикагӀа хилийта таро лу, Наьсаре дегӀаахара, вахара хьалаш тоадара.