Къоастой Асланбеках Россе спорта мастер хилар
НачӀал, кхоане йола зӀамсаг; российски, халкъашта юкъерча дукхача яхьашка котало яьха Къоастой Асланбек Россе спорта мастер яха цӀи йолаш ва. Из хоам бу ГӏалгӀайчен спорта Министерстваон зарбан болх лелабеча ГӀаппархой Аишас.
«Ади Ахьмад» спортивни клубе Ӏомалуш волча Къоастой Асланбека сийлен белгало дӀаелар спорта, физически культуран министра Белхарой Руслана. СовгӀат дӀалуш, лаьрххӀа йола кхетаче хилар», - йоах хоамо.
Укх тӀехьарча массехк шера спортсмен Россе ондаргий Хьалхален толамхо, мехка чемпион, Европа Хьалхален толамхо, дунен Хьалхале йоаккхача котвалархо вар.
Эллиной-румий латара спортсмен даькъалавувцаш, спорта министра белгалдир, Асланбек массайолча хана, къахьегара тӀера волаш, бехктокхаме волаш, хьавоагӀаш хилар. Белхарой Руслана цунна ловца баьккхар, болх беркате бувцаш.
