«СВО бӏухой Ассоциацена» юкъебаьхкар лаьрххӏача операце керда доакъашхой
Гӏалгӏай мехкара «СВО бӏухой Ассоциаци» кердача бӏухошца белгалъяьлар. Юкъарча цхьанкхетара юкъевенав керда 30 Украинерча тӏема операце дакъа лаьца тӏемхо. Из хоам «Сердало» газетага бир из болх лелабераша.
Цу моттига хетаяь кхетаче хилар Наьсаре. СВО доакъашхой Ассоциаце кулгалхо волча Саккхаланаькъан Мусас дӏайхача моаршалца тӏаийцар беррига бӏухой, цо белгалдаьккхар массане а мехка хӏама тоадара къахьегаргхиларах ше тийша хилар.
Юкъарча балха цар юкъебахкар белгалдаьккхар Ассоциаце доакъашхой седкъеи тешал ду каьхати даларца, цу гӏулакхо хьагойтар тӏема доакъашхой шоай мехка дӏахо а накъабала, юкъара болх бе кийча хилар.
«Вай декхар – цхьоагӏо йолаш а новкъостий биц ца беш хилар а. Керда доакъашхой Ассоциацена юкъебахкар из вошал чӏоагӏдеш баьккха аргӏанара гӏа санна лархӏа деза», - аьлар Саккхаланаькъан Мусас.
