Американцаца кулг гIортадергда вай мехкарча атлета
24.08.2023 09:31
Туркий мехка кулг гIортадеш дIахьоргйолча яхье дакъа лоацаш хургва вай мехкахо. «Укх бетта 26-ча дийнахьа американски армрестлера Хатчигс Тодда кулг Iодилла хьожаргва вайцигара Саганаькъан ИбрахIим.
«Малхбоале малхбузен духьала» яха яхьаш дIаяхьа лаьрхIад Туркий мехка. Вай атлетаца цига дакъа лоацаш хургба тренераш Котанаькъан Хьусен, Тимарзанаькъан ИбрахIим», — йоах тхогарча хоамо.
Кулг гIортадарах дунен тIа цIихеза волча Тэрзи Энгина яхачох, цу яхьашка хьежаш дукха спортсменаш хиннаб, цунга хьежжа спорта вахаре боккха лерхIам болаш да из гIулакх.
Аьттув хилба вай мехкахочун, котало яьккха, цIава!
