Эккажкъонгий-Юртара Лоалахой Ахьмад зӏамигача футбола 10-ча бӏала дикагӏа вола ловзархо ва
Укх деношка, Эккажкъонгий-Юртара Лоалахой Ахьмад хьакхайкавир; дикагӏа вола ловзархо ва, аьнна, министерствошта, боахамашта, организацешта юкъе дӏахьош хиннача зӏамигача футбола ахкан 10-ча бӏале, яхаш, дийцар «Сердало» газетага Гӏалгӏай Республике гӏолла йолча футбола президента Хьулахой Хаважа.
«Тӏеххьарча ловзаре, нападающи волаш, «Аль-Барака» тоабан аьттув боаккхаш, цунна карагӏдаьлар «Роскомнадзора» наӏарашка диазза бургац чутоха, иштта новкъоста гӏо дир толамга кхача. Кхетаче чакхъяьлар чёт 7:2 йолаш.
Юкъера дӏалаьрхӏача, Ахьмада яьккхар 21 очко; цудухьа цунна дикагӏа вола бомбардир, аьнна, цӏи елар»,-йоах хоамо.
Эккажкъонгий-Юртарбараш шин балла тӏехьабус хьалхарчарна, хӏаьта а уж ба чемпион цӏи яккхарга сатувсаш, дийцар тхога хоам баьчо.
