ГӀалгӀай паччахьалкхе хьакхелла 100 шу дизара хетадаь, дото ахча арахийцар Россе банко
03.06.2024 20:00
![](http://serdalo.ru/storage/e0axVFGaJKQMISRzVoLY3Q58jjtwhGMgFE6p5Bbs.jpg)
ГӀалгӀай паччахьалкхе хьакхелла 100 шу дизара хетадаь, кхаь сомах латта дото ахча арахийцар тахан Россе банко. Из хоам «Сердалога» бир Мехкадаь зарбан болх лелабераша.
«Из духхьал дото ахча хинна Ӏац; гӀалгӀай къаман культура, истори дотоца чӀоагӀдаь Ӏодиллар тахан. Цу тӀа латт вай байракх, герб, ВӀовнашке, Магасера гӀала, мехках баьха хиннача наьха Мемориал. Вай къаман денал, барт хилар белгалду цу хӀамаша», - йоах хоамо.
Деррига а 3 эзар мара доаца дото ахча дуккхача моттигий лерхӀам бар гойташ да. Лакхарча боарамах дола 31,1 грамм дотув доалл цох.