ГӀирмерча футбола тоабан юкъе ловзаш ва вай мехкахо Ӏаьленаькъан Бек-хан
24.03.2025 00:10
«Севастополь» яхача ГӀирмерча футбола тоабан юкъе ловзаш хургва вай мехкахо. Селий мехкарча «Котало» яхача тоабанна духьала ловза араваьннав из селхан. Из хоам «Сердалога» бир спорта гӀулакхех йолча федераце зарбан болх лелабераша.
«Лакха говзал гойтар Бек-хана Хасавюрте. Селий мехкарча футболисташта геттара фийла хила безилга дӀагойтар цо. 77-ча миноте цо чутеха бургац хьалаца маганзар наӀараш лораечоа. 2:1 йолаш котбаьлар Севастополера хьаьший, из хилар ловзара тӀеххьарча 13 миноте», - хоам бу тха газетага.
