Бувцаш бола мотт Магасе шаьрбеш ба палестинцаш
Шоай мехкара беха вайцига кхаьча палестинцаш мотт дикагIа кхетабарцара кIоаргаленаш йовзаш хилар. Кагирхой цхьанкхетарий ЦIагIа дIахьош я урокаш. Из хоам «Сердалога» бир цу гIулакха хьалхалаттараша.
«Эрсий мотт Iомабеш къахьегаш ба мехкахбаьха вайцига кхаьча уж мискаш. Кердача вахарга, культурага, нахага дIаIама болалуш ба уж нах. Бувцаш бола мотт дикагIа кхетабергболаш, болх дIакхухь царца тахан. Эггара дукхагIа къамаьлаца нийслуш дола дешаш довзийташ, хала дешаш дикагIа кхетадергдолаш урокаш я царна хьехархочо лураш.
Шоаш цакхетар дIахоатташ дIабихьар цар болх», - йоах тхога кхаьчача хоамо. Кагирхой цхьанкхетарий ЦIенна кулгал деча Часанаькъан Руслана белгалдечох, иштта йола урокаш, сихагIа эрсий меттаца дIаIамаргболаш, лоархIаме я цу наха.
