Палестинера бехача наха дӏахо дӏахьу эрсий мотт ӏомабар
Палестинера бехача наха юха караийцар эрсий меттала дешар. Ӏарбий къаман викалаш Ӏомалуш ба Магасерча кагирхой цхьанкхетарий Цӏен даькъ тӀа.
«Столицан центрерча кагирхой цӀагӀа кхетаченаш дӀакхухь кагирхошца. Дешара оагӀонаш ювцаш, кхетаче йолча хана, массаза безаме хул цига. Керда шу дӀадоладелча денз, мотт а йоазув а Ӏомадеш ба дукха палестинера беха нах. Цунца цхьана царна дикагӀа йовз культура, Ӏадаташ, дукха къамаш дахача вай мехкара вахар.
Цул совгӀа, каст-каста дешар дӀахьош хиларца цар таро хул паргӀата тика тӀа, лорашка баха, юкъарлон транспортаца шоай гӀулакхаш даха.
«Хьехархой хьож дӀахьош йола урокаш безаме хилийта. Керттердар – хӀаравар шийна ловш дола хаттар дала таро йолаш хилар, царна паргӀато ялар, уж хьаллоацаш», аьлар кагирхой цхьанкхетарий Цӏен кулгалхочо Ведажанаькъан Зоврбика.
