«Ишколе даха кийчде бер» яха болам дӀабихьар МагӀалбике
Вай мехкадас Келаматанаькъан Махьмуд-Ӏаьлас юкъебаьккха «Ишколе даха кийчде бер» яха болам дӀабихьар тахан МагӀалбике. Из хьаллаьцар Паччахьалкхен Думан депутаташ болча Татренаькъан Муслима, БӀарахой Бек-хана.
«СВО доакъашхой бераш, вахара хьал хала долча дезалашкара бераш юкъе долча бӀаь совгӀа зӀамигача бахархошта эшаш мел болча кхоачамах дизза дола портфелаш дийкъар»,-дийцар «Сердалога» шахьара администраце болхлоша.
«Ишколе даха кийчде бер» яхача болама хьагойт, гӀо эшаш бола нах терко ца еш бутаргбоацилга. Керда дешара шу долалуш моллагӀа новкъостал дар чӀоагӀа лоархӀаме да, къаьстта таро дика йоацачарна.
Иштта йоккха терко лоаттаю; Данбассерча тӀема операце доакъашхой берашта эшар, царга доацар фуд хьожаш.
Белгалде деза, мехкарча кулгалхоша, депутаташа иштта цхьана доаржадеш долча дикача гӀулакхах наха доккха новкъостал хулилга.
