«Юкъара болх беча тоабаша лаьрхӀар, кӀезига алапеш ийдеш болча дезалий кхел аттача яккха а царна кхачанца гӀо де а. Ахчан гӀулакх ладара долча дезалашта даьча сагӀанна юкъе дар чай, шекар, генарий даьтта, гарзаш, худараш ду ялаташ, консерваш, дулх. Уж лоархӀамегӀа дола даараш цаховш хержа дацар: цар гӀо ду дезалашта йӀаьххача хана кхача лоаттабе, шун тӀа керттера а долаш», - хоам бу из дагадехараша газета болхлошка.

Вахаре хало ловш болча наха, цу тайпара новкъостал шоаш каст-каста деш хиларах дийцар сагӀа далара гӀулакха хьалхалаьттараша.

«Дика цхьа гӀулакх, дуккхача наьха хьал тоадеш болча болама юхьиг хинна дӀаотта йиш я. Барт болча наьха а тоабай а гӀулакхо аттача даккха тарлу, моллагӀа халонаш эшаеш, гӀо эшаш а цунга сатувсаш а болча наьха вахар», - йоах «Дикача гӀулакхий дуне» яхача ганза кулгалхо йолча Охцанаькъан Заремас.