Магаса куц хоздеш хургья тоаяь моттигаш
Тахан тоаеш латта моттигаш хургья, Магаса куц эргадоаккхаш, бахархой бӀарг хьоасташ. Цох лаьца дийцар «Сердалога» шахьара мэре.
«Кулиев К. цӀерах болча урам тӀа гӀандаш оттадаь; гаьнаш, зизаш дӀадегӀа; фонареш оттаяь; салаӀа доазув къоастадергда. Назарбаев Н. цӀи лелаеча урам тӀа сквер хургья, дезалашца арабаьнна ха яккха йиш хургйолаш. Нувхашта лаьрхӀа яьшкаш, гӀандаш оттадаь, лампаш егӀа, гаьнашца тоаяь хоза моттиг хургья из салоӀаш вагӀа.
Шахьара мэр волча Тиймарзанаькъан Мусас тӀадиллад; берий агашца лелача ноаношта паргӀато хилийта, аьнна. Наха паргӀатта дехьабувла доазув къоастадергда цига.
Белгалде деза, Магас хӀара денна тоалуш, бахархой гӀадкхувлаш йолга, ший хувцамашца. Бахархошта, арахьара тӀабаьхкача хьаьшашта паргӀатта салоӀаш ха дӀакхахьа моттиг хьаеллаш латт шахьаре.
