Гӏалгӏай къаман дагалоаттама, сийлен Мемориале хилар Татарстанера блогераш
Татарстанера блогераш тӏаийцар дагалоаттама, сийлен Мемориала болхлоша. Шин мехка юкъера бувзам, барт чӏоагӏбеш да из гӏулакх. Гӏалгӏай къаман истореца дувзаденнараш лорадеча Мемориала моттигаш яйзар хьаьшашта. Къаман сийдолча къонгех, доккхача исторех, культуранца дувзаденнарех дийцар блогерашта цигарча болхлоша.
«Цецбоалаш дукха хӏама дайзар гаьнара баьхкача хьаьшашта Мемориала моттигашка. Гӏалгӏай къаман селханарча истореца дувзаденнарий оагӏонаш тахка, Даьхен цӏихезача къонгий вахара наькъаш довза аьттув хилар цар», - дийцар «Сердалога» кхетаче вӏашагӏъеллараша.
Цхьаццадараш дӏа-хьа эцара, довзара тӏехьа, шин къаман юкъера моттиг чӏоагӏъярца лоархӏме кхетаче яр из. Чӏоагӏа раьза болаш, шоашта дайначох доаккхал деш бар Татарстанера хьаьший.
